غزہ(نیوز ڈیسک/گدروشیا پوائنٹ)اسرائیلی فضائی حملے میں الجزیرہ کے معروف صحافی انس الشریف سمیت ادارے کے پانچ ارکان الشفاء اسپتال کے باہر میڈیا ٹینٹ میں ہلاک ہو گئے۔ حملے میں ایک فری لانس صحافی بھی جاں بحق ہوا۔
ہلاک ہونے والوں میں محمد قریقہ، ابراہیم زاہر، مؤمن علیوا اور محمد نفال شامل ہیں۔ الجزیرہ نے اس واقعے کو “مقصودانہ قتل” قرار دیتے ہوئے کہا کہ یہ صحافت کی آزادی پر براہِ راست حملہ ہے۔
اسرائیلی فوج نے دعویٰ کیا کہ انس الشریف حماس کے عسکری کمانڈر تھے، تاہم اس الزام کے کوئی شواہد پیش نہیں کیے گئے۔ اقوام متحدہ، پریس فریڈم گروپس اور متعدد ممالک نے اس واقعے کی سخت مذمت کرتے ہوئے اسے بین الاقوامی انسانی قوانین کی سنگین خلاف ورزی قرار دیا۔
