ھب(گدروشیا پوائنٹ) بلوچ اسٹوڈنٹس ایکشن کمیٹی ھب ھنکین ءِ نیمگ ءَ چہ بلوچ لٹریسی کیمپین ءِ درگت ءَ یک انٹریکٹیو سیشنے ماں ساکران ءَ برجم دارگ بوتگ۔ اے مراگش جتا جتائیں بھرانی تہ ءَ بوتگ۔
مراگش ءِ جتائیں بھرانی توک ءَ بلوچ لٹریسی کیمپین ءِ پریزٹیشن، پینل ڈسکشن، کسمانک، گُشتانک، پبلک انٹریکشن، کتاب مراگہ ءُ سرپدی روانک کشگ بوتگ۔
مراگش ءِ بنداتی بھر بلوچ لٹریسی کیمپین ءِ پریزنٹیشن ات کہ ھب ھنکین سنگتاں پریزنٹیشن دات۔
مراگش ءِ دومی بھر گُشتانک اَت کہ اے بھر ءِ توک ءَ سنگتان ساکران ءِ وانگی جیڑھانی سرءَ ءُ زالبولانی وانگی جیڑھانی سرءَ گُشتانک دات اَنت۔
مراگش ءِ سیمی بھر پینل ڈسکشن ات کہ اِیشیءِ مھماندار بساک ھب ھنکین ءِ گوستگیں کارمستر سنگت زبیر بلوچ ات ءُ پینلسٹ اوتل ھنکین ءِ گوستگیں کارمستر سنگت سرور داد ءُ کراچی ھنکین ءِ کمک کارگشاد سنگت رحمان بلوچ ات۔
پینلسٹ آں
” Educational Hurdles in Baloch Society: Social Barriers And Government Apathy ءِ سرھال ءِ سرءَ وتی گپ ءُ تران دیوان ءِ دیما ایر کُرت انت۔
مراگش ءِ چارُمی بھر دو کسمانک اِت اَنت اِیشی مول ءُ مراد ماں ساکران ءِ توک ءَ زالبولانی وانگی جیڑہ ھوار ساکران توک ءَ وانگی جیڑہ ھوار ات کہ ھب ھنکین ءِ باسکاں مراگش ءَ کسمانک پیشداشت انت۔
مراگش ءَ پنچُمی بھر پبلک انٹریکشن ءُ ششُمی بھر کتاب مراگہ ھوار اِت انت ءُ مراگش ءِ گُڈّی بھر سرپدی روانک ات۔
اے مراگش ءَ تہ ءَ ورناھاں ءُ نودربراں، زالبولاں ھوار میتگ ءِ ایدگہ مردماں مزنیں کچے ءَ بھر زرتگ اَت۔
مراگش ءِ سرجمیں بھر گوں سوبمندی ءَ آسر بیگ ءَ پد دیوان آسر کنگ بوت۔
جار کش بلوچ اسٹوڈٹنس ایکش کمیٹی ھب ھنکین
